Liber Deuteronomii*
Caput 27: Versus 26
Maledictus qui non permanet.Haec sententia generaliter et praeterita et praesentia et dicenda legis mandata complectitur, tanto gravior quanto generalior. Quis enim potest sine trangressione omnibus sermonibus legis permanere, cum et Paulus dicat:Quicunque ex operibus legis sunt, sub maledicto sunt?[Galat. 3.]Nemo hanc maledictionem evadere potuit, nec legislator, nisi Christus, unde:Christus nos redemit de maledicto legis, factus pro nobis maledictum,etc.